Tera e Vilani

Tera e vilani

Eviva i campi, eviva le staion!
le vache more e i vedelini in late,
i fiori, i pre, le case col veron,
le tortorine bionde apena nate.

Eviva le boarie e i bo' a timon,
i mussi duri e le cavale mate
e tuti i osei ch'è nato col roaron
e tuti i rati che a sbrincà le gate.

Eviva i campi messi a la costiera
le bietole, le zuche, el formenton,
el fresco che se gode verso sera.

Eviva tuti quuei che ga passion
e che se gode de ruspar la tera.
Viva i vilani che no ga paron!

Angiolo Poli