mercoledì 12 novembre 2008

La me morosa

LA ME MOROSA

La me morosa, fioi, l'è na prediale,
e se ghe molo el galo, adio scarsèle:
ancò la m'à magnà el setimanale...
e la se gode dirlo a le butele.

No' passa di: o che la vole on sciale
o de la cipria o un tacuin de pele;
ormai l'è abituada tanto male
che la s'inventa sempre de pi' bele.

Go dito co' le bone: "Ciò, Mariana,
quando s'è maridà sarà 'l belo;
adess0, senza fioi, a l'è 'na cana..."

La m'à risposto: lassa stare quelo;
te vederè che se mi resto sana...
Pensa che me ghe vole on bel capelo.

Angiolo Poli

Posta un commento
Related Posts Plugin for WordPress, Blogger...