FANTASIA
Tuto on silenzio ne la note nera!
Gira i fantasmi zo par la campagna;
i omeni dorme e sogna la so guera...
Rompe el silenzio l'urlo de na cagna...
ligà a cadena, come quei in galèra.
Ronfa i veceti e pare che i se lagna
de i so ani, streta in man la tabachiera.
Broca i cavai, in stala, l'erba spagna.
Tuto on silenzio, 'na malinconia!...
Ogni tanto on lamp da la vale,
s-ciara el ziel: nuvole che core via,
che se scavalca. Mi me sento male.
'Na stela in ziel l'è palida sbasia:
a l'alba se scadèna el temporale.
Angiolo Poli
Nessun commento:
Posta un commento