I COPA EL MAS-CIO
Gh'è el parolo che boie da un tocheto:
fra poco sarà qua anca i mazarini.
Mi te me fe pecà, poronineto!
L'è vera: i to' paroni i-è 'sassini;
volerte ben e darte da magnare
a sazietà, e 'desso i te vol copare?!
Difatti, cari mii, eccoli qua:
co' i so' cortei e la pealora in spala:
i ga le braghe tute insanguanà
ch'i te fa infin paura e te stè male.
El nino el ziga e el speta, da sioron,
ch'ì ghe porta eò so maco nel secion.
Gh'è in corte 'na marugola de gente
ch'i stima el mas-cio, ch'i speta a dar 'na man.
La Beta l'è sconvolta e lì darente
al so nino ghe dise: "poro can"!
l'è on ano che ghe porto da magnare:
mai on dì ch'el m'avia fato lambicare.
Angiolo Poli
Nessun commento:
Posta un commento